Prej kohësh tashmë, qendërmbrojtësit, Harry Maguire është krhyer në një lotjar të “papëlqyer” nga tifozët në radhët e “djajve të kuq” të Manchester United, teksa këtë sezon, 30-vjeçari përveç “dashurisë” së tifozëve humbi gjithashtu dhe shiritin e kapitenit, si dhe vendin e titullarit te “gjigandët” anglezë.
Nga grumbullimi me kombëtaren e Anglisë, 30-vjeçari, i cili në merkaton verore ishte pranë kalimit tek Ëest Ham, është shprehur se nuk ka ndërmend të luajë vetëm një ndeshje në muaj për “djajtë” e tij.
“Nuk kam ndërmend të qëndroj gjatë gjithë jetës duke luajtur njëherë në muaj. Nëse situata nuk ndryshon, atëherë do të ulem të bisedoj me drejtuesit. Nuk e kam unë në dorë nëse luaj apo jo takimin e ardhshëm me United.
Kam besim në aftësitë e mia, dua të luaj dhe të ndihem i rëndësishëm për klubin. Për momentin nuk kam luajtur aq sa do të kisha dashur. Kjo është e gjitha. Por duhet të sigurohem që të jem gati për të shfrytëzuar mundësitë që do të më jepen. Përqindja e fitoreve të United me mua në fushë është tepër e lartë.
Nëse kthej kokën pas dhe shikoj 15-20 ndeshjet e mia të fundit me United dhe Anglinë mund të them që jam i kënaqur me performancat e mia”,- u shpreh ish-kapiteni i “djajve” të Manchester United. /i.m /abcnews.al
