Skuadra e Malishevës ka shijuar fitoren e parë në stinorin pranveror të Superligës së Kosovës në futboll.
Pas humbjes nga Drita xhiron e shkuar, Malisheva të hënën ka mposhtur Ferizajn në ndeshjen e fundit të xhiros së 20-të.
Dueli i luajtur në stadiumin “Liman Gegaj”, ka përfunduar me rezultatin e ngushtë 3:2 në favor të Malishevës.
Dren Kryeziu, Laurent Xhylani e Drilon Hazrollaj realizuan për Malishevën kurse Qlirim Avdulli e Edon Sadriu shënuan për Ferizajn.
Me këtë fitore, Malisheva forcon pozitën e tretë në tabelë me 33 pikë të mbledhura, 10 më shumë se Ferizaj që mbetet në vendin e tetë.
Xhiron e ardhshme, Malisheva luan me Llapin kurse Ferizaj përballet me Prishtinën
Teilen:
