Herri Kejn është zyrtarisht një futbollist i Bajernit të Mynihut, me kampionët e Gjermanisë që arritën të bënin një transferim rekord në historinë e tyre me anglezin prej 120 milionë eurosh.
Kështu ata nuk kanë dashur që të humbin rastin dhe kanë marrë vendimin e menjëhershëm për sulmuesin anglez në lidhje me ndeshjen që kampionët do të luajnë sot me RB Lajpcig për Superkupën e Gjermanisë.
Siç bëjnë me dije mediat, Kejn është grumbulluar nga Bajerni për këtë sfidë dhe nuk dihet ende nëse Tomas Tuhel do e aktivizojë si titullar apo anglezi do e nisë nga stoli.
Kështu ai mund të thyejë mallkimin e tij për trofe, duke pasur shansin për të fituar të parin në më pak se 24 orë pasi u largua nga Totenhemi.
PANORAMASPORT.AL
