Manchester City ka nisur një sfidë ligjore kundër akuzave të FFP të Premier Ligës mbi avokatin përgjegjës për procesin disiplinor.
Sipas ‘The Times’, City po vë në pikëpyetje ligjshmërinë e hetimit dhe përfshirjen e avokatit që po shqyrton akuzat, i cili me sa duket është një tifoz i Arsenalit, transmeton lajmi.net.
City po përballet me 115 akuza nga Premier Liga për gjoja shkelje të rregullave financiare. Por ata janë të pakënaqur që Murray Rosen KC, kreu i panelit të pavarur gjyqësor të Premier Ligës, deklaron në faqen e internetit të dhomave të tij se ai është “anëtar i MCC (Marylebone Cricket Club) dhe Arsenal FC”.
Mundësia që City mund të ketë thyer rregullat ka potencialin të errësojë përparimin e bërë nga Pep Guardiola në ‘Etihad’ vitet e fundit. Skuadra aktuale e teknikut katalanas është në prag të titullit të pestë të Premier Ligë në gjashtë vjet, si dhe trofeut të parë të klubit në Ligën e Kampionëve.
Ndërsa presin rezultatin e hetimit dhe sfidën e tyre ndaj tij, në fushë City po përgatitet për dy ndeshjet e fundit të ligës, si dhe finalen e FA Cup kundër Manchester United dhe finalen e Ligës së Kampionëve kundër Interit./Lajmi.net/
