Bernardo Silva është i zhgënjyer më shumë për faktin që nuk e fituan dot një trofe të fundit për Kevin de Bryjnen, i cili do të largohet nga “Etihad” pa fituar asgjë këtë sezon.
“Ishte shumë zhgënjyese për ne. Luajtëm kundër një skuadre të fortë, e dinim këtë para ndeshjes. Ata janë shumë të duruar në mënyrën se si mbrohen për të përgatitur kundërsulmet. Ishte e trishtueshme që nuk mundëm ta fitonim për Kevinin. Ne donim t’ia jepnim këtë, ai e meriton, kështu që është pak e trishtueshme. Nuk mund ta imagjinoja të arrinim gjithë këtë sukses pa të. Ai është një mik i mirë i imi, më vjen keq që e shoh të largohet. Shpresoja dhe dëshiroja që ai të qëndronte më gjatë, por kjo është jeta. I uroj gjithë të mirat”.
Pastaj edhe një koment pse Haland nuk e ekzekutoi vetë penalltinë, por ia la Marmushit: “Nuk e di. Normalisht Erling është goditësi, por ata vendosën që Omar ta gjuante. Nuk isha atje gjatë vendimit”.
PANORAMASPORT.AL
