Manchester United ka arritur një marrëveshje për rinovimin e kontratës së Amad Diallo, sipas raportimeve të ESPN. 22-vjeçari është gati të nënshkruajë një kontratë afatgjatë për të qëndruar në ‘Old Trafford’. Njoftimi zyrtar pritet së shpejti.
Kontrata e tij aktuale do të përfundonte në fund të sezonit, edhe pse United kishte një opsion për ta zgjatur atë me 12 muaj. Klubi ka vendosur të mos aktivizojë opsionin e kontratës së sulmuesit nga Bregu i Fildishtë dhe në vend të kësaj ka zgjedhur të negociojë një marrëveshje të re afatgjatë.
Marrëveshja e re do të rrisë pagën e tij në përputhje me atë të shumicës së shokëve të skuadrës dhe do të zgjasë qëndrimin e tij te “Red Devils” për një periudhë më të gjatë.
Diallo ka shënuar tashmë 6 gola në 28 paraqitje këtë sezon, përfshirë golin e barazimit në ndeshjen e fundit 2-2 kundër Liverpool-it, në Anfield. Talenti i ri nga Bregu i Fildishtë po dëshmohet si një lojtar i rëndësishëm në skemën e “Red Devils”, duke treguar fleksibilitet dhe ndikim si në Premier League ashtu edhe në garat europiane.
