Përvoja e Rasmus Hojlund te Manchester United nuk nis në mënyrën më të mirë. sulmuesi danez, i cili sapo është blerë nga Atalanta, nuk është stërvitur ende me pjesën tjetër të skuadrës.
Hojlund po përballet me një problem fizik që e detyron të punojë individualisht dhe që me siguri do ta bëjë që të humbasë edhe ndeshjen e parë të Premier League-s, kundër Wolverhamptonit.
Siç shpjegohet nga vetë Manchester United në një shënim të publikuar në faqen zyrtare, Hojlund vuan nga një problem fizik që e ka pasur gjatë përgatitjes me Atalantën.
Prandaj sulmuesi po ndjek një program pune të personalizuar në qendrën sportive të klubit.
Për momentin nuk është ende e qartë se kur do të jetë në gjendje Hojlund të vihet në dispozicion të trajnerit Ten Hag.
“Është e vështirë të thuhet se si do të shkojë ky proces, por mendoj se ai po bën përparime. Është e qartë se ai do të luajë kur të jetë në dispozicion, shpresojmë në një kohë sa më të shkurtër,” – deklaroi tekniku holandez.
Manchester United i pagoi Atalantës 75 milionë euro, shumë së cilës mund t’i shtohen edhe 10 milionë në formë bonusesh.
Hojlund ka nënshkruar me Manchester United deri më 30 qershor 2028.
Në sezonin e tij të parë dhe të fundit në Itali, sulmuesi danez luajti 34 ndeshje mes kampionatit dhe Kupës së Italisë, duke shënuar 10 gola.
