Manchester United njoftoi humbje prej rreth 130 milionë euro në sezonin 2023/2024 dhe rrezikon mosrespektimin e “fair play” -it financiar, edhe pse klubi insiston ndryshe.
Premier League lejon humbje prej rreth 120 milionë euro në tre vjet dhe Djajtë e Kuq humbën 136 milionë euro në 2021/2022, 33 milionë euro në 2022/2023 dhe 133 milionë euro në 2023/2024, transmeton GazetaBlic Sport.
Pavarësisht shifrave, klubi i Old Trafford ka besim se është në përputhje me “fair-play”-in financiar , pasi Premier League lejon uljen e vlerës së humbjeve në lidhje me futbollin e femrave, stërvitjen dhe infrastrukturën.
“Klubi është i përkushtuar ndaj rregullave financiare të Premier League dhe UEFA-s,” tha Omar Berrada, kryetar ekzekutiv i Manchester United .
/GazetaBlic Sport/
