Manchester United futet në garë për transferimin e yllit të Bayernit.
Manchester United është duke menduar ta përforcojë repartin defensivë për këtë edicion.
Djajtë e Kuq kanë pasur formë të luhatshme në këtë fillim sezoni dhe trajneri Erik Ten Hag dëshiron ta përforcojnë mbrojtjen.
Dëshira kryesore e Djajve të Kuq është qendërmbrojtësi i Bayernit, Matthijs de Ligt.
Ten Hag ka punuar me De Ligtin sa ishin dyshja pjesë e Ajaxit dhe dëshiron të ribashkohen në ‘Old Traford’.
Qendërmbrojtësi holandez nuk po luan shumë te Bayerni këtë edicion me trajnerin Thomas Tuchel që para tij preferon dyshen Kim-Upamecano.
Kësisoj largimi i tij nga Allianz Arena duket mëse i mundshëm, por United duhet të shpenzojë rreth 70 milionë euro aq sa vlerësohet De Ligt nga Bayerni.
Kujtojmë që në garë për qendërmbrojtësin holandez është edhe gjiganti katalunas Barcelona.
