Italia do të luajë ndeshjen gjysmëfinale te Ligës së Kombeve, ku përballë do të ketë Spanjën. Takimi i planifikuar të luhet të enjten e datës 15 qershor në stadiumin “De Grolsch Veste” në Holandë, do të përcaktojë skuadrën që shkon në finalen e turneut.
Në prag të këtij takimi, Roberto Mançini ka publikuar listën me futbollistët e grumbulluar. Bie në sy fakti se ka rikthyer sulmuesin Nikolo Zaniolo që luan në Turqi, ndërkohë që jashtë ka lënë portierin Ivan Provedel. Portieri i Lacios mori këtë sezon çmimin si portieri më i mirë në Serinë A italiane.
Nga Napoli kampion, janë Meret e Di Lorenco ndërkohë që nga Interi ka grumbulluar 5 lojtarë të cilët menjëherë pas finales së Championsit, do të bashkohen me kombëtaren italiane.
LISTA E TË GRUMBULLUARVE:
Portierë: Donaruma, Meret, Vikario
Mbrojtës: Açerbi, Bastoni, Bonuçi, Darmian, Di Lorenco, Dimarko, Spinazola, Toloi
Mesfushorë: Barela, Kristante, Fratesi, Zhorzhinjo, Lorenco Pelegrini, Verrati, Zaniolo
Sulmues: Kieza, Gnonto, Imobile, Raspadori, Retegui
TRAJNER. Roberto Mançini
