“Duhet kohë, kjo mbrëmje vlen deri në një pikë të caktuar. Djemtë e meritonin, sidomos pas asaj që ishte thënë këto ditë. Jam i kënaqur, bënë një ndeshje të shkëlqyer, – tha trajneri i Italisë, Roberto Mancini, pas fitores 4-1 ndaj Turqisë.
– Na duhen të gjithë. Ky është një rrugëtim i gjatë. Do të sjellim lojtarë të tjerë dhe do të kuptojmë cilët mund të qëndrojnë me ne deri në fund. Përtej fitores, djemtë bënë gjëra të mira. Fusha ishte shumë e rënduar dhe ishte normale që Turqia të reagonte.
Debutuesit bënë mirë, urime për ta. U luajt në një fushë ku kishte rënë shi prej një dite. Merita është e të gjithëve, bënë një ndeshje të madhe. Ekipi luajti mirë dhe lart”.
Për Raspadorin, Mancini shpjegoi: “Pati një problem dhe e zëvendësuam në fund të pjesës së parë, për të shmangur një zëvendësim pas pesë minutash”.
Në konferencë shtoi: “Nga e premtja nuk ka ndryshuar asgjë. Djemtë ishin të zotë. Kishim lojtarë të freskët dhe të ndryshëm. Kayode dhe Fagioli bënë mirë në debutim. Për një orë luajtëm mirë, më pas ramë disi dhe reagimi i Turqisë ishte normal. Përqendrimi duhet të jetë gjithmonë i lartë deri në minutën e 91-të. Asgjë nuk është e sigurt”.
