Rrugëtimi i Maqedonisë së Veriut në këtë edicion të Ligës së Kombeve nuk ka nisur në mënyrën më të mirë të mundshme, edhe pse përballë kishte një kundërshtar të kalueshëm në letër si Ishujt Faroe në grupin C4.
Në transfertën e mesditës të kësaj të shtune, Maqedonia është ndalur në barazimin 1-1, teksa i është dashur një gol i Enis Bardhit për të shmangur një humbje katastrofike, kjo pasi vendasit ishin të parët që kaluan në avantazh me anë të penalltisë së Davidsen që në minutën e 9′-të të sfidës.
Ndeshja më pas vazhdoi me raste nga të dy ekipet, që kërkuan me ngulm golin. Barazimi për Maqedoninë e Veriut do të vinte vetëm në pjesën e dytë, po nga pika e bardhë. Pavarësisht tentativave të të dy ekipeve për të shënuar, askush nuk ia doli të tundte më rrjetën, duke bërë që sfida e këtij grupi, pjesë e të cilit janë edhe Armenia e Letonia, të mbyllej në shifrat 1-1. /i.m /abcnews.al
