Maqedonia U17 dhe U19, mësojnë kundërshtarët për Kampionatin Evropian!
Kombëtaret e Maqedonisë në futboll për moshat deri në 19 vjeç dhe të Maqedonisë nën 17 vjeç, në shortin në Nion të Zvicrës mësuan kundërshtarët e grupit eliminatoreve për kualifikim në fazën Elite për Kampionatin Evropian.
Maqedonia U19, do të përballet me Portugalinë, Belgjikën dhe Estoninë në grupin 11, për t’u kualifikuar në fazën elite kualifikuese për Kampionatin Evropian në Uells. Turneu kualifikues do të luhet nga data 12 deri më 18 nëntor 2025 dhe do të organizohet nga Portugalia.
Kombëtarja e Maqedonisë deri në 17 vjeç është në Grupin 2 së bashku me kombëtaret e Çekisë, Hungarisë dhe Gjibraltarit.
