Në prag të ndeshjes që Manchester City do të luajë sot ndaj Brighton, në raundin e katërt të Carabao Cup, trajneri Enzo Maresca beson se skuadra mund të luajë me Erling Haaland, Phil Foden dhe Rayan Cherki në të njëjtin formacion.
Kjo gjë mund të ndodhë për sa kohë që ekipi i tij vazhdon të tregojë një efikasitet të jashtëzakonshëm para portës. City ka shënuar 33 gola në të gjitha kompeticionet këtë sezon, me një mesatare prej pothuajse tre golash për ndeshje.
Kjo trio sulmues ka realizuar 22 prej tyre, por kanë qenë titullarë së bashku në vetëm tri ndeshje: E fundit ishte fitorja 1-0 ndaj Manchester United në shtator, ku Foden u ndëshkua me karton të kuq direkt.
Pavarësisht se i ka përdorur shpesh sulmuesit së bashku, Maresca nuk ka asnjë dyshim se ata mund të jenë pjesë e të njëjtit repart sulmues: “Po. Kjo varet pak edhe nga plani i lojës, por mendoj se ata mund të luajnë së bashku.”
Gjithsesi, skuadra ka pësuar 10 gola në pesë ndeshjet e fundit, një aspekt që Maresca dëshiron ta përmirësojë. “Sigurisht që është gjithmonë një ndjesi e këndshme të shënosh gola. Kjo do të thotë se krijojmë shumë”, tha italiani.
“Kjo tregon se në fazën sulmuese krijojmë shumë. Tani duhet të përpiqemi të pakësojmë rastet që u japim kundërshtarëve apo golat që pësojmë dhe të gjejmë ekuilibrin e duhur“, deklaroi Maresca.
