Bepe Marota është vlerësuar nga rajoni i Lombardisë me çmimin “Rosa Camuna” për arritjet e tij sportive dhe për menaxhimin e shkëlqyer që i ka bërë skuadrës së Interit në arritjen e yllit të dytë në fanellë pas titullit të 20-të në histori.
Administratori është shumë i lumtur për këtë fakt dhe ka ndarë emocionet, por mbi të gjitha edhe disa deklarata në lidhje me rinovimin e Lautaros dhe Inzagit.
Më mirë ylli i dytë apo çmimi “La Rosa”?
Të dyja. Mendoj se mund të shkojnë të dyja në simbiozë me njëra-tjetrën. Janë të dyja vlerësime të mëdha falë rezultateve që kam arritur në futboll.
Si ka shkuar takimi me “Oaktree”. Çfarë do t’ju thonit tifozëve?
Ne kemi thënë që pronarët e rinj duan t’i japin vazhdimësi këtij projekti. “Oaktree” është një fond që do të na japë mbështetje dhe stabilitet. Dua thjesht të përçoj optimizmin për të gjithë tifozët.
E merrni parasysh faktin që mund të jeni president i Interit?
Jo, jo. Unë jam drejtues. Është më e mira që detyrën e presidentit ta marrin të tjerët.
Jeni të shqetësuar për çështjen “Lautaro”. Në çfarë pike jemi?
Nuk jam i shqetësuar. Le të themi që këto janë bisedime dhe tratativa që ndodhin shpesh në dinamikën e futbollit në këtë fazë të sezonit. Por ne nisem nga një e dhënë shumë e rëndësishme: Lautaro ka një sens dashurie ndaj fanellës. Nuk duhet të nxitohemi. Gjithçka do ta marrim me qetësi. Sot ka të tjera prioritete siç e dini. Kështu që kjo është problematika e Lautaros nëse doni ta mësoni. Thjesht çështje kohe.
Po për rinovimin e Inzagit, çfarë të rejash kemi?
Edhe për Inzagin vlen i njëjti diskutim. Është një trajner i zoti dhe fitues. Është normale që ne duam të vazhdojmë bashkëpunimin duke i zgjatur kontratën. Nuk është vetëm për besimin, por edhe ta vëmë në kushtet e duhura për të punuar me qetësi. Cikli i tij mund të vazhdojë akoma gjatë tek Interi.
PANORAMASPORT.AL
