Drejtori ekzekutiv i Interit, Giuseppe Marotta, ka zbuluar edhe një herë mendimet e tij për finalen e parë të Ligës së Kampionëve të klubit pas 13 vitesh.
Takimi i Interit me Manchester City nis në orën 21:00.
“Historia e Interit është plot suksese. Ardhja deri këtu është një arritje e jashtëzakonshme, por arritje të tilla duhet të jenë gjithmonë synimi i klubit tonë. Në sport, gjithmonë duhet të vendosni shiritin lart, por mos e ngatërroni ambicien atletike me arrogancën.
Sigurisht, City ka shpenzuar shumë më tepër para për lojtarët, por në sport nuk është ai që shpenzon më shumë ai që fiton. Motivimi ynë është i pabesueshëm”, tha Marotta në një intervistë për Sky pak para fillimit të lojës. /G.D abcnews.al/
