Roberto Martínez, trajner i Portugalisë, foli për ndeshjen miqësore të së shtunës, kundër Kroacisë, e parafundit para Euro 2024. Pyetjes nëse Cristiano Ronaldo do të ketë vend në formacion në këtë Evropian të gjashtë kur merr pjesë, trajneri spanjoll i luzitanëve u përgjigj:
“Unë mendoj se ai ka paraqitje shumë të qëndrueshme në klub, nuk ka dyshim se ai është një golashënues i jashtëzakonshëm, unik, pasi i ka luajtur 5 kampionate, ne po flasim për një arritje unike në futbollin botëror.
Eksperienca është e rëndësishme për ne. Lojtarët janë janë të përgatitur për të ndihmuar ekipin dhe për të dhënë gjithçka që munden. Nuk ka asnjë lojtar tjetër që mund t’i japë dhomës së zhveshjes atë që mund t’ia ofrojë Cristiano.
Ronaldo dhe Pepe, respektivisht 39 dhe 41 vjeç, ndoshta do ta kenë të vështirë të përballojnë ritmin e Evropianit, por ata, sipas Martinezit, janë shumë të nevojshëm.
“Përvoja është shumë e rëndësishme në një turne, e përzier me talente të reja. Rimëkëmbja është punë shumë specifike, ne po grumbullojmë informacion. Plani për Pepen është që të punojë individualisht dhe me grupin, fokusi është të luajë kundër Irlandës të martën. Ruben Neves, Cristiano dhe Pepe po punojnë për ndeshjen e së martës.”
