Trajneri i Portugalisë, Roberto Martinez nuk mundi ta fsheh kënaqësinë e tij për paraqitjen e sotme të Cristiano Ronaldos kundër Turqisë.
Portugalia e mposhti sot 3:0 Turqinë, fitore kjo e cila ia siguroi pozitën e liderit në grup si dhe biletën drejt 1/8-ës së finales së Kampionatit Evropian Euro 2024.
Ronaldo asistoi te goli i tretë i Portugalisë, i cili u shënua nga Bruno Fernandes.
E për këtë asistim, trajneri Martinez tha se “duhet treguar në çdo akademi në Portugali dhe në botën e futbollit”.
“Ne pamë diçka të jashtëzakonshme, për mua. Përballë portierit ia dha Bruno Fernandes. Është një shembull që duhet treguar në çdo akademi në Portugali dhe në botën e futbollit, sepse tregoi se skuadra është gjëja më e rëndësishme”, tha Martinez.
Teilen:
