“Mini Verstappen-Piquet vjen së shpejti, ne nuk mund të jemi më të lumtur me mrekullinë tonë të vogël”.
Ështy ky komenti që ka publikuar sot Max Verstappen dhe partnerja e tij Kelly Piquet (vajza e ish-shoferit Nelson Piquet) në rrjetet sociale. Ata konfirmuan se familja po zgjerohet me një fëmijë.
Djali ose vajza e vogël, do të ketë në ADN e tij një adrenalinë të madhe për sa i përket garave të shpejtësisë, duke qenë se babai dhe dy gjyshërit e tij vijnë nga sporti i Formula 1.
Madje bëhet fjalë për persona që deri më tani, së bashku kanë fituar 7 tituj kampionë bote në total.
Kelly Piquet, bashkëshortja e Verstappen, tashmë ka një vajzë, Penelope, e lindur nga lidhja e saj e mëparshme me Daniil Kvyat, ish-pilotin e Red Bull. Që nga viti 2021 ajo është e lidhur në mënyrë romantike me Verstappen.
Dy javë më parë, Verstappen siguroi titullin e tij të katërt kampion bote për pilotë në garën e zhvilluar në Las Vegas. Këtë fundjavë, në Abu Dhabi, do të zhvillohet gara e fundit sezonale.
