Pasi ka vizituar zikaltrit në “Appiano Gentile”, ish-sulmuesi Sandro Mazzola ka dhënë një intervistë. Në të ka komentuar takimin me lojtarët e Interit dhe mbi të gjitha diskutimet “kokë më kokë” që ka bërë me Simone Inzaghi.
“Unë dhe Inzaghi i treguam njëri-tjetrit disa sekrete. Me kë kalova më shumë kohë? Me Inzaghin, por të gjithë më bënë të ndihesha si në shtëpinë time”, – ka bërë shaka ish-lojtari i zikaltërve.
Për mundësinë gjithnjë e më reale për ta fituar titullin në derbin kundër Milanit, Mazzola u përpoq ta fshihte emocionin: “Do t’ju lutem të mos m’i bëni këto pyetje (qesh).
Ta siguronim titullin kundër Milanit do të ishte e mrekullueshme.
Në përgjithësi, unë iu bëj urimet më të mira të gjitha skuadrave. Le të mos themi se zikaltrit luajtën një kampionat të jashtëzakonshëm, edhe nëse kjo është e vërtetë.
Nëse titulli zyrtarizohet në derbi, duket se gjithçka ndryshon, por jo shumë. Rëndësi ka që Interi ta qepë yllin e dytë në fanellë kurdo që kjo të jetë e mundur”.
