Kilian Mbape mund të largohet që këtë verë nga PSG për te Real Madridi megjithatë ende nuk është asgjë e sigurt. Situatën e ka në dorë nëna e futbollistit, Fajza Lamari e cila po merret me menaxhimin e Mbapes duke u mundur të qartësojë të ardhmen e tij.
Pak ditë më parë, ajo tentoi të merrte edhe Ashraf Hakimin për ta pasur nën menaxhim por kjo ka shkaktuar një debat në Francë. Menaxheri i mbrojtësit maroken, Alehandër Kamano ka folur me tone të ashpra për nënën e Mbapes, duke shprehur se të jesh menaxher nuk mjafton vetëm që të jesh nëna e futbollistit.
“Jemi të befasuar për faktin se vetëm pse është nënë e një futbollisti ajo dëshiron të përfshihet në tregun e transferimeve. Hakimi është pjesë e familjes sonë dhe ai thjesht ka një marrëdhënie të shkëlqyer me Mbapen, diçka që na pëlqen.
Por fakti që nëna lejon të rrjedhin lajme të tilla është e pazakontë. Të jesh nënë e një futbollisti nuk mjafton që të bëhesh menaxhere, sepse është mungesë respekti për profesionin sepse ka agjentë të mëdhenj që stërviten dhe luftojnë në një treg të vështirë”, u shpreh Kamano.
PANORAMASPORT.AL
