Kylian Mbappe është rikthyer te kombëtarja franceze.
Duket se trajneri Didier Deschamps ka lënë pas mosmarrëvehsjet me futbollistin e Real Madridit, dhe e ka ftuar për dy ndeshjet e muajit mars kundër Kroacisë, të vlefshme për play-offin e Ligës së Kombeve.
Mbappe tha se është i lumtur që është rikthyer në kombëtare dhe tani synon kualifikimin në Kampionatin Botëror të vitit 2026.
“Është fantastike të rikthehesh në grup. Unë flas pothuajse vazhdimisht me shumicën e shokëve të mi këtu dhe ndonjëherë shkoj me pushime me disa prej tyre.
Situata ime mund të mos ketë qenë e qartë nga jashtë, por nga brenda ka qenë gjithmonë e qartë. Siç thashë, mendimet e mia janë të përqendruara te Botërori 2026.
Një turne i kësaj rëndësie kërkon të gjithë energjinë tonë. Duam të përgatitemi mirë për këtë kompeticion. Ëndërrojmë të bëhemi përsëri kampionë bote.”, deklario Mbappe.
Kylian u pyet edhe për mundësinë që të fitoj Topin e Artë, e ai u përgjigj me shaka.
“Do ta pyes Luka Modricin si ta fitoj atë!”, tha ylli i Real Madridit.
