Kylian Mbappé vazhdon të bëjë histori për Real Madridin. Në javën e 6-të të La Ligës, sulmuesi francez shënoi dy gola në harkun kohor prej tre minutash kundër Levantes, duke e çuar numrin e golave të tij të sezonit në shtatë. Pas një pjese të parë që sollën golat e Vinicius 28’ dhe Mastantuono 38’, ylli i lindur në Bondy u gjallërua në pjesën e dytë: së pari, ai fitoi dhe shënoi nga një penallti(63′), pastaj kompletoi dopietën e tij në minutën e 66-të, duke vulosur rezultatin përfundimtar të sfidës 4-1. Goli i vetëm për Levanten u shënua nga Etta Eyong 54’.
Me këtë dopietë, Mbappé arrin 38 gola në ligë në vetëm 40 paraqitje, duke tejkaluar legjendën e klubit Zinédine Zidane, i cili shënoi 37 gola në 155 ndeshje. Kjo arritje simbolike konfirmon ndikimin shkatërrues të numrit të ri 9 të Merengues.
