Real Madridi ka arritur të fitojë dy ndeshjet e para të sezonit, pasi triumfoi në debutim kundër Osasunës, e përsëriti të njëjtën gjë dje ndaj Oviedos, duke fituar 3-0 falë një dopiete nga Mbappé dhe një goli të Vinicius. Ishte një performancë bindëse, e cila e la trajnerin Xabi Alonso shumë pozitiv: “Mendoj se ishim shumë mirë. Dominuam pjesën e parë, toleruam pak në pjesën e dytë, por luajtëm mirë në mbrojtje. Po përmirësohemi dhe jam i lumtur”.
Vinicius e nisi nga toli – “Do të përpiqem të nxjerr në fushë ekipin më të mirë në çdo ndeshje. Vini ishte i rëndësishëm, me golin dhe asistin e tij. Dhe kjo është ajo që dua. Çdo lojtar është i ndryshëm. I marr parasysh nevojat e tyre për të mirën e ekipit”.
Sezoni i ri i Mbappé, tre gola në dy ndeshje – “Ai ka shtuar katër kilogramë. Humbi katër në Kampionatin Botëror. Po luan mirë, më pëlqen ta shoh të luajë kështu. Luajti shumë mirë këtë ndeshje, dhe ndeshjen tjetër gjithashtu. Ne ende po vlerësojmë se çfarë duhet të rregullohet, por ndjenja është e mirë”.
Për performancën e Rodrygos – “Ai luajti një ndeshje të mirë, u lidh mirë me Carreras, Arda dhe Kylian. Gjuajti disa herë dhe ishte e vështirë të gjeje hapësira kundër Real Oviedos. Më pëlqeu. Ne kemi nevojë për të gjithë dhe Rodrygo është një prej tyre”.
