Franca është duke fituar 1-0 ndaj Austrisë në kuadër të fazës së grupeve në Euro 2024, përkatësisht në Grupin D.
Gjelat dominuan pjesën e parë, ndërsa Kylian Mbappe detyroi mbrojtësin austriak, Maximilian Wober të shënojë auto-gol në minutën e 28-të.
Edhe pjesa e dytë ka nisur me një dominim nga francezët, por që sërish po e kanë të vështirë të shënojnë nga shumë aksione që po krijojnë.
Një rast të madh ka huqur Mbappe që në minutën e 56-të nuk arriti ta fuste topin në rrjetë, përkundër se ishte i vetëm me portierin.
Derisa tentoi ta mposhte me finesë, ylli më i ri i Real Madridit gjuajti jashtë, duke e lënë rezultatin 1-0.
