Fernando Alonso dhe Pedro de la Rosa kanë sfiduar njëri-tjetrin në lojën e DAZN.
Asturiani dhe katalanasi e kanë luajtur këtë lojë legjendare, ku janë shfaqur emra të mëdhenj, si nënshkrimi i ri i Real Madridit, Kylian Mbappe.
Njeriu i “Aston Martin” është tifoz i klubit të bardhë. Ai është shumë i lumtur me ardhjen e yllit francez, Kylian Mbappe, në kryeqytet.
Pas shumë vitesh pritje, Florentino Perez ka gjetur sulmuesin që ka kërkuar prej kohësh. Asturiani e ka vuajtur këtë më parë, kur transferimi nuk përfundoi, por tani është i lumtur që “telenovelës” i ka ardhur fundi.
“Jam shumë i lumtur, Mbappe bëhet realitet pas një pritjeje të gjatë prej 6 apo 7 vitesh, në të cilat nënshkrimi thuajse kishte përfunduar”, ka rrëfyer Alonso për DAZN.
Spanjolli është dukur shumë i lumtur, ndërkohë që beson se sulmuesi francez do të ulet “me këmbë në tokë” te të bardhët. “Më në fund ai ka ardhur dhe do të jetë një përforcim i jashtëzakonshëm për Real Madridin. Shpresoj që të ketë sukses”, – komentoi asturiani me Pedro de la Rosa. Lojtari i “Aston Martin” do ta ndjekë nga afër sezonin e parë të Mbappe në Spanjë. Ai është i sigurt se me të gjithë tifozët e Real Madridit do ta shijojnë lojën e francezit.
