Këtë të mërkurë, PSG mund të eliminohet nga Champions League. Kualifikimi luhet në ndeshjen kundër Borussia Dortmundit. Nuk do të jetë e lehtë për francezët, pasi rivali i tyre duhet të paktën të barazojë për të qenë i pari në grup dhe pasur short komod në raundin tjetër.
Tingëllon ashpër, por PSG-ja e plotfuqishme mund të mbetet pa Champions League qysh në muajin dhjetor. Do të ishte një goditje e jashtëzakonshme për skuadrën e drejtuar nga Luis Enrique. Dhe këtu del në pah, si pothuajse gjithmonë, emri i Mbappe dhe e ardhmja e tij afatmesme.
Sipas informacioneve të publikuara nga “L’Equipe”, apriori e ardhmja në Paris e kapitenit të kombëtares franceze, që ka kontratë deri më 30 qershor, nuk do të lidhej me fatin e PSG-së në Champions League. Fakti që parizienët mund të zbresin në “Europa League” këtë të mërkurë nuk do të thotë se Mbappé do të largohet nga klubi i “Parc des Princes” në verë.
Një pozicion që Mbappé e ruajti tashmë sezonin e kaluar, kur PSG u eliminua nga Bayern Munich në raundin e dytë të Champions League. “Nëse do ta lidhja të ardhmen time me Ligën e Kampionëve dhe nuk do të respektoja klubin, do të kisha shkuar shumë larg. Jam këtu, jam shumë i lumtur dhe për momentin nuk mendoj për asgjë tjetër, përveçse duke e bërë të lumtur PSG-në”, – tha superylli francez.
Këtë verë ishte shumë e vështirë për Mbappe, pasi ishte larg stërvitjes me ekipin parizien për disa javë. Largimi është ende në mendjen e yllit të ri. Megjithatë, opsioni i rinovimit do të ishte gjithashtu në tryezë. Në këtë informacion, “L’Equipe” thekson që nëse ai pranon të vazhdojë kontratën, do të jetë për një periudhë të gjatë, jo për 2 vite si herën e kaluar.
Mbappé nuk e ka fshehur kurrë se objektivi i tij kryesor është fitimi i Champions League me PSG. Lidhja e tij me klubin parizien ka të bëjë me ekzistencën e një projekti të mirë dhe jo aq me rezultatet afatshkurtra.
