Ka përfunduar pjesa e parë në ndeshjen e kthimit në kuadër të kualifikueseve për në Ligën e Kampionëve.
Ludogorets po avancon 2:0 ndaj Ballkanit, ndërsa rezultati nga dy ndeshjet është 2:2, shkruan lajmi.net.
Pjesa e parë e tëra u takoi vendasve.
Ludogorets shënoi mjaft herët, në minutën e 4’ të ndeshjes.
Pas një topi të humbur nga njëri nga lojtarët e Ballkanit, vendasit shënuan.
Ishte Bernard Tekpatey ai i cili tundi rrjetën për bullgarët.
Përveç golit të hershëm ata kishin edhe shumë raste të tjera.
Në disa prej tyre ndërhyri mirë Enea Kolici, e në raste të tjera nuk u treguan të saktë Ludogorets.
Ballkani ishin pothuajse inekzistent, duke mos rrezikuar aq sa duhet kampionin e Bullgarisë.
Albion Rrahmani kishte një mundësi mirëpo nuk e shfrytëzoi.
Në anën tjetër Ludogorets shënuan edhe njëherë në minutat e fundit të ndeshjes.
Ishte përsëri Tekpatey që tundi rrjetën e Kolicit.
Mbetet të shihet pas pjesës së dytë se si do mbyllet ky takim./Lajmi.net/
