Klubi i Metz, pjesë e të cilit është edhe sulmuesi Xhuljano Skuka, është ngjitur r zyrtarisht në Ligën 1. Vendimi ka ardhur nga Komisionet Disiplinore të Federatës Franceze, duke u bazuar mbi ngjarjen e dhunës në ndeshjen e rivalëve të Metz në renditje, Bordo.
Në sfidën e javës së fundit të kampionatit mes Bordo dhe Rodez, pas golit të avantazhit të këtij të fundit, një tifoz hyri në fushë dhe preku autorin e golit, Lukas Buades. Ky i fundit u rrëzua në tokë dhe u transportua në spital, pasi u konstatua se kishte trauma cerebrale, teksa ndeshja nuk rililloi më.
Sot, Komisioni ka vendosur zyrtarisht që ndeshja të jepet 3-0 në tavolinë për Rodez, e cila falë këtij rezultati ka mbijetuar në Ligën 2. Ndërkohë, rezultati bën zyrtar edhe ngjitjen e Metz në elitë, pasi Bordo nuk mundi kësisoj ta kapërcente në renditje. Për Bordo është caktuar edhe një pikë penalizim në fillimin e kampionatit të ardhshëm.
PANORAMASPORT.AL
