“Me Spallettin trajner, Juventusi ka një identitet të qartë. Luan futboll modern”

Andrea Stramaccioni, trajner dhe opinionist i DAZN, pas ndeshjes Parma-Juventus, lavdëroi punën e Spallettit: “Ai është një udhëheqës, gjithmonë e di rrugën që duhet ndjekur. Bremer tregoi pas ndeshjes sa i rëndësishëm është trajneri.

Spalletti është perfeksionist, edhe kur gjërat shkojnë mirë ai tregon se duhet përmirësuar, si me Yildiz pas golit në pjesën e parë. Pastaj është rritja e David. Kujtoni çfarë tha Spalletti pas penalltisë së humbur? Ai e mbrojti David dhe pas atij momenti kanadezi shënoi 4 gola në 5 ndeshje.

Spalletti në fillim eksperimentoi pak, si në ndeshjen me Napolin, me Koopmeiners si i treti i mbrojtjes dhe Neres që shënoi menjëherë. Inteligjenca e trajnerit është të shfrytëzojë materialin njerëzor në dispozicion, të provojë dhe të zgjedhë një drejtim të qartë. Aplikon mbrojtjen me katër, por me fluiditet modern, falë lojtarëve si McKennie që nganjëherë funksionon si i pesti”.