Me vetëm 16 vjet e 45 ditë, ky sulmues super i talentuar debutoi me ekipin e parë të Deçiqit të Tuzit dhe tashmë ka pesë paraqitje në Ligën e Parë malazeze, ka shkruar mediumi malazez “Vijesti”.
“Nuk i jepet mundësia që një lojtari kaq të ri të debutojë kaq herët, veçanërisht jo në radhët e kampionit aktual, një ekip që lufton për trofe dhe bëhet fjalë për një talent të madh e të jashtëzakonshëm.
Mark Gjokaj me siguri do të kishte bërë debutimin e tij edhe më herët nëse rregullat e FIFA-s nuk do të thoshin se nuk është e mundur të luajë një djalë nën 16 vjeç dhe ndoshta do të ishte më i riu që do të kishte debutuar ndonjëherë në ligën tonë nëse pushimi dimëror nuk do të kishte “ndërprerë” kur ky sulmues mbushi 16 vjeç më 15 janar”, shkruan më tej.
“Atij iu desh të priste 2 marsin 2025 dhe duelin me Mornarin në Tuz, datë dhe lojë që do ta mbajë mend.
Ai ishte 16 vjeç e 46 ditë…”, shkruan meedia malazeze.
“Jam i lumtur që ëndrrat e mia po realizohen”, thotë Mark Gjokaj.
Debutimi në konkurrencën e seniorëve, për skuadrën shqiptare Deçiqi, së bashku me paraqitjet standarde për kombëtaren e Malit të Zi nga kategoritë më të reja, tërheqin vëmendjen për talentin që fshihet tek ky djalë.
“Dëshira ime për të debutuar për ekipin e parë të Deçiqit u realizua, por besoj se është vetëm fillimi.
Më takon mua të punoj çdo ditë, të tregohem aty ku duhet të tregohem në fushë, të jem një profesionist i vërtetë. Dhe besoj se gjithçka do të funksionojë”, tha ai.
Mark Gjokaj është reprezentues i kadetëve të Malit të Zi, dëshira e tij ashtu si kolegët e tij më të mëdhenj të grupmoshës së të rinjve që së fundmi u kualifikuan në Kampionatin Evropian, është të trokasë në derën e ekipit të seniorëve.
“Ky është objektivi im i radhës dhe jam i bindur se do ta arrij hap pas hapi, stërvitje pas stërvitje, lojë pas ndeshje”, thotë Gjokaj.
Ai luan në pozicionin e krahut të djathtë dhe mesfushorit sulmues, dhe idhulli i tij është Lionel Messi.
“Cilësitë e mia më të forta janë driblimi, gjuajtja, pasimi i fundit dhe ajo që mund dhe dua të përmirësoj është loja në mbrojtje”.
Ashtu si të gjithë djemtë që fillojnë të luajnë futboll, e sidomos ata që arrijnë disa gola dhe i kalojnë barrierat kaq herët, edhe Mark Gjokaj ka ëndrrën e tij të futbollit.: “Të luaj një ditë për Barcelonën, klubin që unë mbështes”.
Kështu që nuk është çudi që ai zgjodhi një agjenci spanjolle për ta përfaqësuar atë…
“Shumë agjenci i kanë ndjekur lojërat e mia, kam rënë dakord me babain tim që t’i bashkohem një agjencie nga Spanja, e cila na prezantoi një plan dhe program që ishte i pranueshëm për ne. Besoj se do të jetë mirë edhe për Deçiqin edhe për mua, por më e rëndësishmja është të përqendrohemi aty ku ndodh gjithçka dhe merren vendimet në fushë”, ka përfunduar Gjokaj.
