Juventusi po mban nën monitorim disa protagonistë të Serisë A, për nevoja tekniko-taktike ose për perspektivën. “Gazzetta” ka përpiluar një listë me 5 lojtarë nën objektivin e drejtuesve bardhezinj.
SAMARXHIÇ – Pas transferimit të dështuar tek Interi, Samarxhiç do të konsiderohet një objektiv i mundshëm i Juventusit. Tek Udineze ai tashmë ka treguar se është gati të luajë në një klub të madh. Një mesfushor që mund të jetë i dobishëm për Alegrin në të ardhmen.
KOLPANI – Të flasësh për interesin e Juves vetëm tani nuk është e saktë. Drejtuesit bardhezinj e ndoqën Kolpanin gjatë kohës së tij tek Atalanta. Te Monza është rritur shumë vitet e fundit, duke bërë më pak gabime dhe dalëngadalë duke u kthyer në pikë referimi. Juvja është atje si Interi, edhe nëse Galiani mohon të ketë folur për lojtarin me klube të tjera, duke u përpjekur ta mbajë atë duke rinovuar.
FERGUSON – Pëlqehet shumë edhe Fergusoni i Bolonjës. Drejtuesit e Juves vlerësuan ndikimin që mesfushori skocez pati në Serinë A dhe menjëherë u nisën në gjurmët e tij. Tiago Mota po e bën atë të luajë në maksimumin e tij: 2 gola dhe 4 asiste në 11 paraqitje, përmirësojnë shumë një nga profilet më interesante të perspektivës.
DORGU – Krahu i majtë i Juves është i mbipopulluar në këtë moment. Megjithatë, kjo nuk i pengon të shohin perspektiva interesante për të ardhmen. Dhe Dorgu, krahu i majtë i Leçes, i lindur në vitin 2004, sigurisht që meriton vëmendje. D’Aversa po e shfrytëzon maksimalisht atë këtë sezon, duke e futur shpesh në garë edhe si titullar (si kundër Juves në “Allianz Stadium”), dhe danezi i ka kthyer besimin deri më tani me paraqitje të nivelit të kënaqshëm.
ZIELINSKI – Shumë të rinj, po, por edhe një përzierjeje e përvojës në grupin e së ardhmes. Drejtori Xhuntoli e njeh mirë Zielinskin. Kontrata e Napolit me polakun po skadon. Së fundmi ka pasur një kontakt, ashtu si me Interin dhe Juve ka bërë të ditur se ndoshta është e interesuar të flasë për lojtarin.
PANORAMASPORT.AL
