Milani kërkon të niset nesër drejt Amerikës me Junus Musahun në avion. Tashmë oferta për mesfushorin është rritur në 18 milionë euro dhe Valencia është gati të pranojë nëse në akord përfshihen edhe dy milionë euro të tjera në formë bonusi.
Sipas spanjollëve të “Marca”-s, negociatat mund të mbyllen brenda 24 orëve, në mënyrë që lojtari të shkojë me shokët e rinj në turneun amerikan.
Ndërkohë, me lojtarin, drejtuesit kuqezi e kanë tashmë një marrëveshje për një kontratë 5-vjeçare me 2 milionë euro në sezon.
Për amerikanin do të ishte edhe një rikthim në Itali, pasi kujtojmë se falë punës së prindërve ai i ka hedhur hapat e parë në futboll pikërisht në Gadishullin Apenin.
PANORAMASPORT.AL
