Mesfushori i Arsenalit, Zhorzhinjo, është në fazën finale të bisedimeve për t’u transferuar te Flamengo në një marrëveshje me parametër zero. Klubi brazilian ka shfaqur interes që nga dhjetori dhe tani është afër arritjes së akordit me 33- vjeçarin.
Edhe pse i lindur në Brazil, Zhorzhinjo u shpërngul në Itali si adoleshent dhe është pjesë e kombëtares italiane me 57 paraqitje. Ai iu bashkua Arsenalit nga Çelsi për 12 milionë £ në vitin 2023 dhe që atëherë ka luajtur 78 ndeshje në total, duke bërë 26 paraqitje këtë sezon dhe duke shënuar një gol.
Zhorzhinjo aktualisht është duke u rikuperuar nga një dëmtim serioz në mushkëri pas një përplasjeje gjatë ndeshjes ndaj Brentfordit muajin e kaluar. Trajneri Mikel Arteta ka lavdëruar vazhdimisht ndikimin e tij, duke thënë:
“Cilësia më e madhe e tij është se i bën të tjerët më të mirë. Ai gjithmonë përgatitet në mënyrë perfekte dhe është gati kur i kërkohet të luajë”. Ndërkohë, Arsenali është në kërkim të përforcimeve në mesfushë dhe është në bisedime të avancuara për të blerë Martin Zubimendin nga Real Sociedadi.
PANORAMASPORT.AL
