Mesfushori skocez, Scott McTominay, e ka përfunduar qëndrimin 22-vjeçar te Manchester United dhe i është bashkuar Napolit mbrëmjen e sotme.
Lajmi është konfirmuar nga të dy klubet.
27-vjeçari McTominay iu bashkua Unitedit në moshën pesëvjeçare dhe zhvilloi 178 paraqitje në Premier League, qëkur debutoi në vitin 2017.
Transferimi i skocezit i ka kushtuar skuadrës së Serie A, 30.5 milionë euro.
McTominay është transferimi i dytë madhor për Napolin nga Premier League, pasi gjatë javës i siguroi edhe shërbimet e Romelu Lukakut nga Chelsea.
Ndeshja e fundit e tij me fanellën e “djajve të kuq” ishte të shtunën, në disfatën 2-1 nga Brightoni.
