Endri Çekiçi është pranë një aventure të re në karrierën e tij.
Mesfushorit i përfundon kontrata në fund të këtij muaji me Koniasporin dhe mes tij dhe klubit nuk është arritur një marrëveshje për të rinovuar dhe e ardhmja e Çekiçit shihet larg ekipit turk.
Por, gjithsesi Endri mund të mbetet në kampionat, pasi Rizespori, skuadra e cila sapo u ngjit nga liga e parë turke, ka arritur një marrëveshje me Ilhan Palut, ish-trajneri i Konias, i cili do të prezantohet këto ditë.
Nga ana tjetër, klubi me pëlqimin e trajnerit Palut ka kërkuar edhe pogradecarin për sezonin e ri.
Sipas atyre që shkruhen në mediat turke, u tha se takimi i parë me Çekiçin ka qenë pozitiv.
Me fanellën e Konias këtë sezon 26-vjeçari ka luajtur 20 ndeshje dhe ka shënuar dy gola e një asist.
