Lionel Messi duket se ka kërkuar transferimin e yllit të Real Madridit, Luka Modric te Inter Miami.
Sipas, GOAL, David Beckham, madje tashmë ka mbajtur një takim me mesfushorin kroat.
Ka pasur spekulime që sugjerojnë se Modric është synimi i radhës i skuadrës nga Major League Soccer.
Ai nuk ka luajtur rregullisht për Realin këtë sezon, me vetëm 205 minuta në La Liga deri më tani.
Modricit i përfundon kontrata në fund të sezonin dhe do të jetë një lojtar i lirë, derisa nuk është përjashtuar edhe një lëvizje në janar.
Ai tani është 38 vjeç, por ish-ylli i Blancos, Pedja Mijatovic, pretendon se Inter Miami synon një marrëveshje pas sugjerimit të Messit.
“Ai ka marrë oferta nga Shtetet e Bashkuara, nga shumë ekipe dhe nga ky në veçanti. Ai tashmë e kishte atë në Arabinë Saudite, por donte të qëndronte në Madrid. Vetë Messi ka qenë personalisht i interesuar për këtë mundësi. Në Kroaci, disa ditë më parë, Modric u takua me Beckham ”, tha ai.
Kujtojmë që Messi iu bashkua Inter Miamit këtë sezon së bashku me Sergio Busquets e Jordi Alban./Lajmi.net/
