Gjatë fundjavës së kaluar, Lionel Messi u ndalua nga nga kontrolli kufitar kinez, pasi kishte udhëtuar me pasaportën e gabuar.
Ylli argjentinas kishte udhëtuar drejt Pekinit me ekipin e tij, përpara miqësores së Argjentinës me Australinë që zhvillohet të enjten.
Megjithatë, teksa mbërriti në kryeqytetin e Kinës, ai u përball me zyrtarët kufitarë të cilët e ndalën pasi ai kishte marrë me vete pasaportën e gabuar.
Sipas mediave kineze, incidenti ndodhi për shkak se Messi kishte udhëtuar me pasaportën e tij spanjolle në vend të asaj argjentinase.
Pasi i informoi zyrtarët kufitarë se nuk e kishte pasaportën argjentinase, iu deshën dy orë që Messit t’i jepej viza, në mënyrë që të zgjidhte çështjen dhe të largohej nga aeroporti.
Megjithatë, nuk përfundoi me aq pasi sipas mediave kineze më pas Messi u bllokua përkohësisht në hotelin ku qëndronte së bashku me lojtarët e Argjentinës, meqë një numër i madh tifozësh u mblodhën jashtë për ta takuar atë./Lajmi.net/
They’re stuck 😖😖leo is communicating patiently #messi pic.twitter.com/aRTnthMshb
— kk (@nextonemaybe) June 10, 2023
