Lionel Messi ka thënë se do t’i japë fund karrierës së tij futbollistike kur të mos e shijojë më lojën. Messi, 36 vjeç, ka kontratë me Inter Miami deri në fund të vitit 2025.
“E di që sapo të besoj se nuk mund të performoj më, nuk po e shijoj lojën ose nuk mund t’i ndihmoj shokët e skuadrës, atëherë do të ndalem”, tha Messi në podkastin e Big Time.
“Unë jam vërtet autokritik; e di kur jam mirë dhe kur jam keq. Kështu që për pensionin tim, nuk do të ketë rëndësi se çfarë moshe jam. Nëse ndihem mirë, do të vazhdoj të luaj.”
Kur u pyet se cilat janë planet e tij pas pensionimit, Messi pranoi: “Nuk e kam menduar ende, jam ende i fokusuar të shijoj futbollin çdo ditë”.
“Shpresoj të vazhdoj të luaj për një kohë, ky është plani im. Më pas do të përpiqem të bëj diçka që më pëlqen në një rol të ri”, tha argjentinasi.
/GazetaBlic Sport
