Milan kryen goditjen e madhe në merkato.
Mediat në Itali raportojnë se Milani është gati të paraqesë një ofertë të përmirësuar për sulmuesin e Feyenoord, Santiago Gimenez që në mbrëmjen e së mërkurës, pasi kishte refuzuar një ofertë fillestare për meksikanin javën e kaluar.
Kuqezinjtë kanë synuar një lëvizje për qendërsulmuesin 23-vjeçar, i cili shënoi një dygolësh kundër Bayern Munichut herën e fundit në Ligën e Kampionëve dhe pati një ofertë pak më pak se 30 milionë euro që u refuzua më herët në këtë muaj.
Ata kishin paraqitur një ofertë edhe në ditën e fundit të afatit kalimtar të verës, zbuloi vetë Gimenez në një intervistë të fundit.
Raportimet nga Calciomercato.com bëjnë të ditur se Milani është gati të kthehet me një ofertë të re për Gimenez të mërkurën mbrëma, për sa kohë që skuadra përfundon në tetëshen më të mirë pas përfundimit të fazës së Ligës së Kampionëve këtë mbrëmje.
Raportimi i së mërkurës pretendon se klubi italian është i përgatitur të ofrojë një pako totale në rajonin prej 35 milionë eurove, nëse jo pak më e lartë, e cila i afrohet vlerësimit prej 40 milionë të Feyenoord.
Calciomercato gjithashtu raporton se ka një marrëveshje jozyrtare për një kontratë trevjeçare me vlerë rreth 2.5 milionë euro në sezon në paga.
Përditësimi i fundit gjithashtu pretendon se Gimenez ka një lloj marrëveshjeje zotërinjsh me Feyenoordin për ta lejuar atë të bashkohet me një ekip ‘të madh’ evropian nëse vjen një ofertë e përshtatshme.
Milani thuhet se dëshiron që marrëveshja të përfundojë deri në fund të javës, me qëllim që të ketë Gimenez në dispozicion në skuadër për t’u përballur me Interin në Derby della Madonnina të dielën.
Megjithëse ai është një reprezentues meksikan, Gimenez nuk do të merrte një vend të vlefshëm jo-BE në skuadrën kuqezi, pasi ai gjithashtu ka një pasaportë italiane.
