Pas transferimit të Goncalo Ramos në verën e kaluar, për një shifër rekord për klubin, mbi 70 milionë euro, drejtuesit e Milanit kanë nisur që tani nga puna për të forcuar repartin e sulmit.
Kuqezinjtë kanë piketuar Geny Catamo, sulmuesin anësor të Sporting Lisbon. 25-vjeçari nga Mozambiku ka treguar një formë të mirë te Sporting Lisbon, duke zgjuar interesimin e disa klubeve të mëdha, mes tyre edhe të Milanit.
Sipas informacioneve të siguruara nga Fussball News, klubi nga kryeqyteti portugez ka refuzuar tashmë oferta prej 40 milionë eurosh për sulmuesin, i cili ka kontratë deri në vitin 2029. Sporting Lisbon ka bërë me dije se Catamo mund të largohet vetëm nëse paguhet klauzola e vendosur për kartonin e tij, që është 60 milionë euro.
Përveç interesimit të Milan, Catamo është edhe nën radarin e Tottenham. Në merkaton e janarit duket e vështirë që sulmuesi të largohet nga Sporting Lisbon, por situata do të jetë ndryshe gjatë merkatos së verës.
