Një lajm i keq për Milanin e Paulo Fonsekës, që humbet Alvaro Moratën: spanjolli u dëmtua në ndeshjen kundër Torinos dhe do të humbasë ndeshjen e radhës në kampionat kundër Parmës.
Sulmuesi shënoi në debutimin e tij me kuqezinjtë, por një problem muskulor e detyron që të mungojë në ndeshjen e radhës të Serisë A.
Gjendja e lojtarit do të ekzaminohet në orët në vazhdim, por Morata rrezikon që të humbasë edhe ndeshjen kundër Lazios dhe nuk do të jetë i disponueshëm për kombëtaren e tij në ndeshjet e Ligës së Kombeve më 5 dhe 8 shtator.
Gjithçka do të konfirmohet në orët në vazhdim, por aktualisht flitet se sulmuesi do të mungojë të paktën tre javë.
