Christian Vieri analizon rifillimin e Serie A dhe ambiciet e Interit, Napolit, Milanit dhe Juventusit në një intervistë për “Gazzetta dello Sport”.
Për Como–Roma: “Dy skuadra që e kanë golin në mendje, ideale për t’u rikthyer në kampionat. Jam kurioz të shoh si i ka karikuar Gasp lojtarë si Malen dhe Dybala, që nuk shkuan në kombëtare. Me siguri janë stërvitur mirë”.
Për Inter–Parma: “Në teori, nëse tek Interi janë të gjithë 100 për qind të përqendruar, diferenca e nivelit del në pah. Por nuk ia del gjithmonë dhe këtë e kemi parë deri tani. Megjithatë, është koha të ndryshojë ritëm. Hyjmë në fazën e nxehtë të kampionatit dhe Champions-i bëhet më i vështirë. Gilardino? Jam gjithmonë i lumtur kur ish-shokët e mi drejtojnë skuadra, por më vjen keq që e pret menjëherë Interi”.
Për Napolin: “Kur ke kaq shumë dëmtime…, Allegri nuk besoj se e ka bekuar këtë pushim. Ka kohë të rikuperojë lojtarët, por nuk mund të vazhdojë të humbasë shumë pikë dhe të mendojë se rikthimi i McTominay do t’i zgjidhë të gjitha”.
Për Milanin: “Pas viteve të tëra, me Gonçalo Ramos më në fund ka gjetur një qendërsulmues të madh. Por ai, si çdo qendërsulmues, duhet të kërkohet më shumë. Doni gola prej tij? Jepi më shumë topa për këtë”.
