Milani gjeti të shtunën fitoren e gjashtë në 7 ndeshjet e fundit të Serisë A dhe po i afrohet vendit të dytë, si dhe forcon distancën nga kundërshtarët e drejtpërdrejtë. Kuqezinjtë nuk dinë më të arrijnë sukses pa pësuar dhe kjo u pa edhe ndaj Frozinones.
Fillimisht epërsia, më pas parakalimi dhe së fundi goli nga hajmalisë Joviç për të sjellë në shtëpi 3 pikët. Duket se është bërë rezultati klasik i ndeshjeve të Milanit, por në vend që të flitet për golat e pësuar, kritikat po përqendrohen te Majk Menja.
PROBLEMI MENJA – Portieri nuk po e përjeton periudhën e tij më të mirë. Gafa në golin e Maxitelit është në fakt vetëm e fundit. Është e qartë se problemi i shumë golave të pësuar duhet të lidhet edhe me portierin, por ndjesia është ajo që çon në një Menja jo fort të fokusuar. Megjithatë, të dhënat i hedhin poshtë këto gabime, pasi francezi mbetet një nga pikat kryesore të manovrës së kuqezinjve.
Francezi ka luajtur 582 pasime deri në këtë pikë të sezonit, duke arritur mesatarisht 82 për qind pasime të suksesshme. Këto shifra kanë të bëjnë me fazën sulmuese ose të konfigurimit, por gjithashtu përfaqësojnë të dhëna shumë të rëndësishme. Numri 16 kuqezi vepron si një mbrojtës i shtuar dhe i ndihmon shokët që të kenë gjithmonë një opsion shtesë.
AH ATO GOLA…— Po thoshim se kritikat gjithsesi fokusohen te gabimet e evitueshme për golat e pësuar. Mirë, por edhe kur bëhet fjalë për pritjet, Menja është ndër portierët më të mirë në Serinë A. 59 ndërhyrje të bëra deri më tani krahasuar me 25 golat e pësuar nga mbrojtja kuqezi (me të në fushë). Megjithatë, shumë nga këto janë rezultat i gabimeve të shokëve të tij.
Portieri nuk mund të shpëtojë gjithmonë rezultatin me pritje të jashtëzakonshme, por e bënte shpesh këtë. Statistika më shqetësuese është ajo e portës së paprekur: vetëm 6 ndeshje në të cilat 28-vjeçari nuk ka pësuar gol. Shkurtimisht, në përmbledhje, mbeten të tepruara.
PANORAMASPORT.AL
