Milano Cortina 2026 në RTSH/ Për herë të parë në histori, Flaka Olimpike njëkohësisht në dy qytete të ndryshme

Për herë të parë në historinë e Lojërave Olimpike dhe Paralimpike, mbajtëset e flakës olimpike do të digjen njëkohësisht në dy qytete të ndryshme. Të bëra prej alumini të cilësisë së avionëve, të projektuara nga Marco Balich në bashkëpunim me Lida Castelli dhe Paolo Fantin, mangallët e Milano Cortina 2026 do të ndizen dhe fiken në sinkronizim të përsosur në “Arco della Pace” në Milano dhe në “Piazza Dibona” në Cortina d’Ampezzo.

Dizajni i tyre kujton gjenialitetin e Leonardo da Vinçit dhe Nyjet e tij të famshme, ndërthurje gjeometrike që simbolizojnë harmoninë midis natyrës dhe zgjuarsisë njerëzore. Një homazh për Leonardon dhe lidhjen e tij historike me Milanon, një qytet sinonim i kreativitetit dhe inovacionit.

Ceremonia e ndezjes së flakës olimpike më 6 shkurt do të shënojë përfundimin e udhëtimit të flakës olimpike, pas 12,000 kilometrash nëpër të 110 provincat e Italisë. Do të jetë një nga momentet më simbolike dhe më të fuqishme të Ceremonisë së Hapjes së Lojërave Olimpike Milano Cortina 2026.

Kujtojmë që Lojërat Olimpike Dimërore Milano Cortina 2026 do të transmetohen drejtpërdrejt dhe ekskluzivisht në rrjetin e Radio televizionit Shqiptar.