Të shtunën e 14 shkurtit, zhvillohet slalomi gjigant për meshkuj në Lojërat Olimpike Dimërore, Milano Cortina 2026.
Në këtë garë do të marrë pjesë edhe skiatori shqiptar Denni Xhepa, i cili do të duhet të tregojë më të mirën e tij, teksa do të masë forcat me yjet ndërkombëtarë të skijimit alpin.
Lëshimi i parë në këtë disiplinë do të jetë në orën 10:00 dhe i dyti në 13:30 dhe e gjithë gara do të transmetohet drejtpërdrejt dhe ekskluzivisht në rrjetin e Radio Televizionit Shqiptar.
Kjo është gara e dytë e Denni Xhepës në këtë Olimpiadë, pasi më herët garoi edhe në Super G, ku zuri vendin e 34-t.
Të dielën më 15 shkurt do të debutojnë në Milano Cortina edhe Lara Colturi dhe Semire Dauti në slalom gjigant për femra.
Teilen:
