Shënoi dy gola ndaj Andorrës – ky është i Milot Rashicës pas ndeshjes.
Milot Rashica ishte protagonist në fitoren 3-0 të Kosovës në udhëtim te Andorra në kuadër të kualifikimeve për Euro 2024.
Vushtrriasi shënoi dy gola në këtë takim, ndërsa të tretin e realizoi Altin Zeqiri.
Pas ndeshjes, Rashica ka thënë se është shumë i lumtur me golat dhe fitoren e parë në këto kualifikimeve edhe pse është e vonshme.
“Jam i lumtur për golat dhe fitoren. Ishte një fitore e mirë, pasi është e para”, ka thënë fillimisht ai.
“Po ashtu, ishte një rast i mirë për të provuar disa lojtarë të rinj, duke e pasur parasysh situatën në grup”.
“Mendoj se shumica kanë treguar paraqitje të mirë dhe e kanë dhënë maksimumin në këtë ndeshje”, është shprehur më tej Rashica.
Kosova me këtë fitore shkon në kuotën e shtatë pikëve, shtatë më pak se lideri Zvicra, Rumani me 13, Izraeli me 11, Bjellorusia me pesë dhe Andorra me dy pikë.
