Senol Gunesh u largua nga posti i trajnerit të Beshiktashit pas humbjes 2-3 kundër Luganos në grupet e Conference League.
Skuadra nga Stambolli reagoi dhe në fundjavë fitoi 2-0 kundër Istanbulsporit në kampionat. Duke u ngjitur në vendin e katërt, me 8 pikë larg Fenerbahçes kryesuese.
Në sfidën e fundit, Beshiktasin e drejtoi nga stoli Burak Jëllmaz, i cili u tërhoq nga futbolli aktiv gjatë muajit korrik.
38-vjeçari, i cili është aktivizuar në dy periudha të ndryshme me Besiktasin si futbollist, nuk ka nisur ende karrierën e trajnerit.
Por drejtuesit e bardhezinjve e zgjodhën përkohësisht në vend të Gunesh pas dorëheqjes së këtij të fundit.
Jëllmaz e nisi mbarë, skuadra ku luan edhe Milot Rashica fitoi në kampionat, ndërkohë që klubi turk ka reaguar me anë të një komunikate zyrtare.
Aty ku theksohet se ish-sulmuesi njohur (77 ndeshje dhe 31 gola me Kombëtaren) Burak Jëllmaz do të jetë trajneri i Beshiktashit deri në një njoftim të dytë nga klubi.
PANORAMASPORT.AL
