Me qëllimin për të “të ndërthurur sportin, turizmin dhe zhvillimin komunitar”, ministri i Kulturës, Rinisë dhe Sportit në Shqipëri ka bërë me dije se institucioni që ai drejton do të bashkëpunojë me “fan club“-in më të madh të Interit jashtë Italisë.
Në një postim në rrjetet sociale ministri Blendi Gonxhja bën me dije se do të bashkëpunojë me “Inter Club Albania” për “për konkretizimin e një Akademie zyrtare të Interit në Shqipëri, ku do të zhvillohen talentët e rinj”.
Në këtë njoftim ministri Gonxhja bën me dije se do të ndërtohet edhe një terren i ri sportiv multi-funksional në Tiranë. “Krijimi i ‘Inter Academy Albania’ do të përfaqësonte një hap historik për futbollin shqiptar dhe për brezat e rinj në vend. Projekti nuk do të ishte vetëm një bashkëpunim sportiv, por dhe një nismë gjithëpërfshirëse sociale e edukative, që do të lidhte drejtpërdrejt klubin legjendar F.C. Internazionale Milano me sportdashësit vendas e rajonal. Brenda nëntorit do të jemi sëbashku në Milano për jetëzimin e këtij angazhimi dhe planin e punës!’, bën me dije Blendi Gonxhja.
