Siç raporton “Transfermarkt.de”, Bajerni është klubi që ka shënuar humbjen më të madhe në vlerën e tregut të lojtarëve të tij në sezonin aktual. Prandaj, vlera e tregut prej 1.054 miliardë eurosh është ulur me 195 milionë euro dhe tani është vetëm 859 milionë euro.
Kjo do të thotë se skuadra e Mynihut kryeson qartë listën negative në një krahasim europian, ndërsa Çelsi është në vendin e dytë me strategjinë e diskutueshme të transferimeve dhe një humbje prej 183 milionë eurosh. Mançester Siti vijon në vendin e tretë, shumë prapa rekordmenëve gjermanë. Megjithatë, arsyet e humbjes së madhe janë të ndryshme. Leroi Sane regjistroi defiçitin më të madhe në vlerën e tregut në skuadrën e Bajernit dhe në të gjithë ligën.
Në fillim të sezonit 2024-‘25, vlera e tij në treg ishte 70 milionë euro, tani ka rënë me rreth 32 milionë. Megjithatë, performanca e tij është më pak përgjegjëse për këtë sesa kontrata që skadon në verë. Zhoao Palhinja, Kingsli Koman dhe Serzh Gnabri shënuan humbjen e dytë më të madhe prej 15 milionë euro secili.
Rënia për nënshkrimin e ri Palhinja është kryesisht e një natyre sportive. Mesfushori portugez u transferua në Mynih verën e kaluar për rreth 50 milionë euro, por ai nuk mund t’i sjellë Bajernit stabilitetin që kishte shpresuar. 29-vjeçari ka vetëm 563 minuta lojë në Bundesligë dhe tani duhet të luftojë për vendin e tretë si titullar, pas Joshua Kimish dhe Leon Gorecka-s në mesfushë.
PANORAMASPORT.AL
